ስለ

SUNCASA በድሬዳዋ (ኢትዮጵያ)፣ በኪጋሊ (ሩዋንዳ) እና በጆሃንስበርግ (ደቡብ አፍሪካ) የአየር ንብረት ለውጥ መላመድንና የብዝኃ ሕይወት ጥበቃን ለማጎልበት በየአካባቢዎቹ ለተለዩ ፍላጎቶችና ቅድሚያ ለሚሰጣቸው ጉዳዮች በቀጥታ ምላሽ በመስጠት እየሠራ ይገኛል። ለተፋሰስ ጥበቃና መልሶ ልማት ሥርዓተ-ጾታን ያማከሉና ተፈጥሮ ላይ መሠረት ያደረጉ መፍትሔዎችን (NbS) ተግባራዊ የሚያደርገው ይህ ዕቅድ የጎርፍ መጥለቅለቅን ጨምሮ ከተሞች ከአየር ንብረት ጋር ተያያዥነት ያላቸው በርካታ ስጋቶችን መቋቋም እንዲችሉ አቅማቸውን ለማጎልበት ያለመ ነው።

ይህ ሥርዓተ-ጾታን ያማከለ NbS ከፍተኛ የጎርፍ አደጋ ስጋት ባለባቸው አካባቢዎች የሚኖሩ 2.2 ሚሊዮን አከባቢ ሰዎችን በቀጥታ ተጠቃሚ የሚያደርግ ይሆናል። በተጨማሪም ፕሮጀክቱ በሚተገብራቸው ዘላቂ የአየር ንብረት ለውጥ መፍትሔ ምክንያት 7 ሚሊዮን የሚሆኑ ነዋሪዎች ኑሯቸው የሚሻሻል ከመሆኑም ባሻገር ከተማዋ የውሃ እጥረትንና ሙቀትን እንዲሁም የመሬት መንሸራተትንና የአፈር መሸርሸርን ለመቋቋም ያላት አቅም ይጨምራል።

SUNCASA ተግባራዊ ከሚያደርጋቸው ተፈጥሮን መሠረት ያደረጉ መፍትሔዎች መካከል በድሬዳዋና በኪጋሊ የተራቆቱ መሬቶችን መልሶ ማልማት፣ በኪጋሊ የተራቆቱ የከተማ ደን መሬቶችን መልሶ ማልማትና መልሶ ማቋቋም እንዲሁም በጆሃንብሰርግ የጁክስኬይ ወንዝ (put an English name here) ተፋሰስን ወረው የሚገኙ መጤና ተዛማች የዕጽዋት ዝርያዎችን ማስወገድ ይገኙበታል። ከመልሶ ማልማት ተግባራት ጎን ለጎን SUNCASA የተፋሰስና ረግረጋማ አካባቢዎችን የመልሶ ማልማት ሥራ የሚያከናውን ሲሆን የከተማ የዛፍ ሽፋንን በመጨመር በሦስቱም የከተማ የሙቀት ችግርን ለመፍታት ያስችላል።

የምንከተለው ዘዴ

የSUNCASA ስኬት በሦስት ወሳኝ ሐሳቦች ላይ የተመሠረተ ነው። በመጀመሪያ ስለአየር ንብረት ለውጥ ተወራራሽ የሥርዓተ-ጾታ ተጽእኖዎች የተሻለ ግንዛቤ እንዲኖርና ሥርዓተ-ጾታን ያማከሉና ተፈጥሮ ላይ መሠረት ያደረጉ መፍትሔዎችን በተመለከተ ግልጽነት እንዲዳብር ያደርጋል። ሁለተኛው በየአካባቢዎቹ ያሉ አጋር አካላት ከአየር ንብረት ለውጥ ጋር የተያያዙ ስጋቶችን ለመቅረፍ ተፈጥሮ ላይ መሠረት ያደረጉ መፍትሔዎችን መጠቀም ውጤታማና ከወጪም አንጻር አዋጭ መንገድ መሆኑን የሚቀበሉ መሆናቸው ነው። ሦስተኛው ደግሞ የማዘጋጃ ቤት ኃላፊዎችና ሌሎች ባለድርሻ አካላት አሁን ያሉት የአስተዳደር ማዕቀፎች ሥርዓተ-ጾታን ያማከሉና ምላሽ ሰጪ እንዲሆኑ ማስተካከያዎችን ለማድረግ ቁርጠኛ መሆናቸው ነው።

ግቦቻችን

የSUNCASA ተነሳሽነት የሚከተሉት ናቸው፡-

የጎርፍ አደጋን ለመቀነስና አስተማማኝ የውሃ አቅርቦት እንዲኖር ለማድረግ የወንዞችን ተፋሰስ መልሶ በማልማትና በማደስ ሥርዓተ-ጾታን ያማከሉና ተፈጥሮ ላይ የተመሠረቱ መፍትሔዎችን ማዳበርና መተግበር
ሴቶችና በቂ ውክልና የሌላቸው ቡድኖች በአየር ንብረት መላመድ ውሳኔ አሰጣጥ፣ ዕቅድ፣ አቅርቦትና ክትትል ላይ የሚገጥማቸውን እንቅፋት በማስወገድ የሥርዓተ-ጾታ እኩልነትንና ማኅበራዊ ፍትሕን ማጎልበት
ዘላቂ መተዳደሪያ እንዲኖር ማድረግና የአካባቢዎቹን ብዝኃ ሕይወት ማሰደግና መጠበቅ
የአረንጓዴ የሥራ ዕድሎችን መፍጠር
አረንጓዴ የሕዝብ የጋራ ቦታዎችን በማልማት የማኅበረሰቡን ደኅንነት ማሻሻል