UBURINGANIRE NO KUDAHEZA
Umushinga wa SUNCASA ugamije kugabanya inzitizi zibangamira uruhare rw’abagore n’andi matsinda adahagarariwe bihagije mu igenamigambi, ishyirwa mu bikorwa, n’igenzura ry’imishinga isakaza ibisubizo bishingiye ku bidukikije mu mijyi (NbS) ya Dire Dawa (Etiyopiya), Kigali (u Rwanda), na Johannesburg (Afurika y’Epfo).
Imihindagurikire y’ibihe n’iyangirika ry’urusobe rw’ibinyabuzima bigira ingaruka ku mibereho y’abaturage mu buryo butandukanye ugendeye ku gitsina cyabo cyangwa ku bindi biranga imibereho y’abantu. Abakunze guhabwa akato bakanahezwa usanga ingaruka zibageraho ziruta iz’abandi. Bitewe n’amateka, n’imico ishingiye ku ruhare rw’uburinganire n’imyitwarire yemewe na rubanda, abagore n’abakobwa kimwe n’abagabo n’abahungu bagira uruhare rutandukanye mu kubona, gukoresha no gucunga umutungo Kamere.
Urugero, kuva kera abagore usanga barebwa n’inshingano zo gushaka ibyo kurya n’amazi kurusha uko abagabo babisabwa bityo bituma babaho nta bundi bwinyagamburiro bafite usibye gutungwa no gukoresha umutungo kamere.
Kugira ngo SUNCASA igire ingaruka nziza kandi itange umusaruro kuri bose, yateguwe itekereje kuri iyo myitwarire itandukanye, inshingano, n’ubumenyi butandukanye, ndetse no kurwanya imyitwarire n’imigenzo irimo ivangura rishingiye ku gitsina. Uyu mushinga uzafasha gutanga ubumenyi ku baturage ku kamaro ko kwimakaza ihame ry’uburinganire n’ubwuzuzanye mu gushyira mu bikorwa NbS, cyane cyane mu bagabo n’abafata ibyemezo.
SUNCASA izafasha mu gutegura ibiganiro ku mbogamizi zituma ihame ry’uburinganire n’ubwuzuzanye ritubahirizwa mu buzima busanzwe cyangwa mu bijyanye n’imiyoborere. Intego ni ugutanga amahirwe menshi yo kunoza uburyo abagore n’andi matsinda adahagarariwe bihagije babona ijambo mu ifatwa ry’ibyemezo no kubafasha kugira ubushobozi bwo kugira uruhare rufatika mu mishanga ya NbS no mu buyobozi bwayo ku rwego rw’aho batuye. Byongeye kandi, SUNCASA izafasha inzego z’ibanze gushyira mu bikorwa politiki na gahunda zishingiye ku buringanire mu byerekeye NbS, bigatanga umusanzu mu gufata ibyemezo bishingiye ku mahame y’ubwuzuzanye.
INTEGO ZA SUNCASA KU BIJYANYE N’ UBURINGANIRE,UBWUZUZANYE NO KUDAHEZA
- Guhindura imyumvire: Gushyigikira imyumvire myiza ishingiye ku buringanire n’ubwuzuzanye muri sosiyete, igamije guteza imbere uburenganzira bw’abagore n’andi matsinda adahagarariwe bihagije.
- Gutanga amahirwe: Gufasha abagore n’andi matsinda adahagarariwe bihagije kugira uruhare mu ishyirwa mu bikorwa rya NbS no kubona umwanya mu ifatwa ry’ibyemezo.
- Kunga ubumwe: Gushyigikira imiryango y’abagore n’andi matsinda kugira uruhare rufatika mu miyoborere ya NbS ku rwego rw’aho batuye, no gufasha inzego z’ibanze nk’abafite inshingano kugira imyanzuro ishingiye ku buringanire.
Ingingo ngenderwaho zijyanye n’uburinganire,ubwizuzanye no kudaheza mu mushinga wa NbS
IBINDI BIFITANYE ISANO
Mainstreaming Gender Equality and Social Inclusion in Nature-Based Solutions for Climate Change Adaptation
Discover tools, recommendations, and case studies on how to plan, design, and implement nature-based solutions for adaptation that advance gender equality and social inclusion while enhancing resilience, biodiversity, and ecosystem integrity.
Enabling Women as Key Actors in Nature-based Solutions
This paper aims to better understand the role of rural women in Nature-based Solutions (NbS) and to provide insights on how to support them.
Toward Gender-Responsive Ecosystem-based Adaptation
A key factor for the success of ecosystem-based adaptation (EbA) initiatives is the active integration of gender considerations. By working to address gender and social inequalities, EbA initiatives can be more effective and more sustainable.
Content is loading...
